كتب لنا استاذنا الكبير الشاعر اليان سمعان طونى
-={ ذكريات من بيت جدي }=-
بيت الجد يستحق تابعوها للاخر
ه....................................................ه
ه
بيت جدي بعمرو ماسكر ابوابو
مشرعا بوابو دوم ماخاب طلّابو
بيضحك فرح لو طلطلو حبابو
ومطعمو مفتوح دوم
للجوعان
ه
واكلن شو طيب برادهن مفتوح
بنت بتجي والخي عم بيروح
كلشي عندهن لازغارهن مسموح
والفرش ممدودة بفندق
النعسان
ه
بيتن حنان وحب والدفا موجود
وستي شو عندا مخبا علينا تجود
حكايات جدي والفرح مالو حدود
نغفى بامان وحب وجدنا
سهران
ه
يتقاتلو الاخوات وفي عندنا قاضي
نصبر عاجدي شوي لايكون فاضي
والخيت تشكي عاخيا اخذ اغراضي
يضحك علينا ويحكم ومايتم في
زعلان
ه
ببيت جدي كان الكل يتجمع
وع حكايات الكبار نقعد ونتسمع
وقد مانسهر ماحدى يشبع
وشو نساُل كتير وفكرنا
حيران
ه
لما حدى شي يوم يكون موجوع
نقولو لجدي يقول يمكن من الجوع
تغطو ياجدو مليح وحكيهن مسموع
وبكاسة زهورات مايتم في
مرضان
ه
وستي تعلمنا دوم كيف منصلي
صلو ياستي كتير مابتشعرو بقلّة
بتلاقو بخير الرب عبيت السلة
ونغفى بسعادة ونور قلبنا
مليان
ه
من خير ارض الدار ستي تغدينا
وتقلي بطاطا كتير وتلف تعطينا
وجنب بعض ننام بحراما تغطينا
شبعنا بهاك البيت من حب
وحنان
ه
يابيت جدي ااااه مانعرف الحرمان
عاطول الّنا كنت
ه
مطعم الجوعان
فندق النعسان
الشرع للزعلان
الطب للمرضان
ملعب الصبيان
ومجمع الخلان
الفرح والايمان
ه
ودقي ياذكرى الحب اليوم بعالم
النسيان
ه
ه---------------------------------ه
صباحكم ذكريات المحبة والفرح
ذكريات العطف والحنان
صباحكم براءة الاطفال
اصدقــــــــــــائي
ه----------------------------------ه
الشاعر السوري المهجري - د اليان سمعان
سفير السلام في كاليفورنيا . الولايات المتحدة
تعليقات
إرسال تعليق